പ്രണയത്തിനും ദാമ്പത്യത്തിനും ആദ്യം വരിക ഒരു നീര്‍ദോഷമാണ്.
ഒരു ദിവസം കുളിക്കാതിരുന്നാലോ, പങ്ക വേഗം കുറച്ചിട്ട് ഉറങ്ങിയാലോ മാറാവുന്ന നീര്‍ദോഷം.
പുരുഷന്മാര്‍ ശ്രദ്ധിക്കുക - ബ്രാണ്ടിയില്‍ കുരുമുളക് ചതച്ചിട്ട് നീര്‍ദോഷം മാറ്റുക എന്നത് ചാത്തന് പോത്തുംകുട്ടനെ നേര്‍ന്നു ലോട്ടറി അടിക്കുന്ന പോലെയാണ്.
സ്ത്രീകള്‍ ശ്രദ്ധിക്കുക - മിസ്സ്‌ട്‌ കാള്‍ വഴി വരുന്ന ഒറ്റമൂലി വൈദ്യന്മാരും, മുഖപുസ്തകത്തില്‍ ക്ലിനിക് നടത്തുന്നവരും, പത്രങ്ങളുടെ ക്ലാസ്സിഫൈഡ് പേജും വേദനകളുടെ മൊത്തവ്യാപാര കേന്ദ്രങ്ങളാണ്.
അവഗണിക്കപ്പെടുന്ന നീര്‍ദോഷത്തിന്‍റെ അടുത്ത രൂപമാണ്‌ ചുമ, കഫക്കെട്ട് മുതലായവ.
ഇപ്പോള്‍ അവര്‍ ആന്റി ബയോട്ടിക് ഉപയോഗിക്കും, കാരണം അവരുടെ ഉറക്കം അവര്‍ക്ക് പ്രിയപ്പെട്ടതാണ്.
ആന്റി ബയോട്ടിക് കയറിയ പ്രണയത്തിനും ദാമ്പത്യത്തിനും പഴയ ഉത്സാഹം പൊതുവേ കാണാറില്ല, വീണ്ടും രോഗം വരാനുള്ള സാധ്യതയുമുണ്ട്.
ചികിത്സിക്കപ്പെടാത്ത നീര്‍ദോഷത്തിന്‍റെ അവസാന രൂപത്തിനെ പ്രണയക്ഷയം / ദാമ്പത്യക്ഷയം എന്ന് വിളിക്കാം.
No comments:
Post a Comment