സൗഹൃദം
ഞങ്ങള്‍ പടുത്തുയര്‍ത്തിയ സൗഹൃദസൗധത്തിന്
താജ്മഹലിനേക്കാള്‍ ഉറപ്പും ഉയരവും ഭംഗിയുമുണ്ട്.
കൊച്ചുകോടാലി കൊണ്ട് അതിന്‍റെ കടയ്ക്കല്‍ വെട്ടുന്നവര്‍
കുറഞ്ഞത്‌ ഒരു നാടന്‍ ബോംബെങ്കിലും ഉപയോഗിക്കുക.
വിശ്വാസം
കദന ദുരിത വൈധവ്യ കഥകള്‍ നിരത്തുമ്പോള്‍
സഹതാപം ജനിക്കുന്നത് നല്ല മനസ്സുകളിലാണ്.
നല്ല മനസ്സുകളെ ചൂഷണം ചെയ്യുമ്പോള്‍ തുരങ്കം
വെക്കപ്പെടുന്നത് മറ്റൊരാള്‍ക്ക് അര്‍ഹമാവേണ്ട വിശ്വാസത്തെ കൂടിയാണ്.
പക
ഇടവഴിയില്‍ എങ്ങോട്ടോ ഇഴഞ്ഞ മൂര്‍ഖന്‍റെ നടുവിനടിച്ചവര്‍ കാലുറ ധരിക്കുക.
ഒടുങ്ങാത്ത പകയും നോവുമായി മൂര്‍ഖന്‍ കുറ്റിക്കാട്ടില്‍ പതുങ്ങി കിടപ്പുണ്ട്.
No comments:
Post a Comment