ഞാന്‍ ഓടുകയാണ്,
ആകാശചെരുവിലെ ആശങ്കകളുടെ കാര്‍മേഘങ്ങള്‍ക്ക് നേരെയാണ് എന്‍റെ ഓട്ടം.
എന്‍റെ പാത സുനാമി തിരയിളകുന്ന കടലിനും
എരിഞ്ഞു പുകയുന്ന അഗ്നിപര്‍വ്വതതിനും മദ്ധ്യേ...
ആഹ്ലാദം പടരുന്ന മുഖങ്ങള്‍ ആര്‍പ്പു വിളിക്കുമ്പോഴും
അവരുടെ ഹൃദയത്തില്‍ നുളക്കുന്ന അസൂയപ്പുഴുക്കള്‍.
എന്‍റെ ജയം എന്‍റെയും അവരുടെയും തോല്‍വിയാണ്.
തന്ത്രപൂര്‍വ്വം എന്‍റെ തോല്‍വി ഞാന്‍ ഒളിപ്പിക്കുന്നു.
ഞാന്‍ ഓട്ടത്തിലെ ഒന്നാമന്‍....
പരാജിതര്‍ ഒരുമിക്കുമ്പോള്‍ ഒറ്റപ്പെടുന്ന വിജയി....
ഒറ്റപ്പെടല്‍ ഒരു പരാജയമാകുമ്പോള്‍ ഞാന്‍ ജയിച്ചു തോല്‍ക്കുന്നു.
അതൊരു വളമാണ്,
അവരുടെ ഹൃദയത്തിലെ അസൂയ പുഴുക്കള്‍ക്കുള്ള വളം.
No comments:
Post a Comment