പെരുവിരല് മുറിച്ചു ദക്ഷിണ നല്കേണ്ട ഏകലവ്യന്,
പിഴച്ചോരടവിനാല് ഇടംകാല് കൊണ്ട് തൊഴിച്ച്,
ദ്രോണരെ ഉമിതീയിലേക്ക് തള്ളിയിടുന്നു.
ദ്രോണര് ഉമിതീയില് വെന്തുരുകുമ്പോള്
വായുവില് പച്ചമാംസത്തിന് ഗന്ധം പടരുമ്പോള്
അടവ് പിഴച്ചതറിയാതെ,
ദ്രോണര് ഉമിതീയില് വെന്തുരുകുന്നതറിയാതെ,
വാക്കുകളാല് പരിച വിരിച്ച്,
ഏകലവ്യന് വാളുകള് തടുക്കുന്നു.
ഉരുകുന്ന ചങ്കും, പുഞ്ചിരിക്കുന്ന മുഖവുമായ്
ദ്രോണര് ഗുരുകുലത്തില് മാപ്പിരക്കുന്നു.
ഗുരുധര്മം നടപ്പിലാക്കുന്നു.
ശരിയേത് , തെറ്റേത്, പിഴച്ചതാര്ക്ക്....
ദ്രോണര്ക്കോ , ഏകലവ്യനോ, ഗുരുകുല വാസികള്ക്കോ....?
No comments:
Post a Comment