മാംസവും ചോരയും സമാസമം
അരിവാള് ചുറ്റികയില് വെരുക്കിയെടുത്ത
നരമാംസ രസായനം കഴിച്ച്
വിപ്ലവപാര്ട്ടി വിശപ്പടക്കുന്നു
വീട് വീടാന്തരം കയറി ഇറങ്ങി
അമ്മ പെങ്ങന്മാരുടെ കണ്ണുനീര്
ബക്കറ്റില് പിരിച്ചെടുത്ത്
വിപ്ലവപാര്ട്ടി ദാഹമടക്കുന്നു.
ജന്മിക്കു നേരെ ഉയര്ന്ന വാളില്
കുടിയാന്റെ രോദനവും
ന്യായത്തിന്റെ മൂര്ച്ചയും കണ്ടു.
പാര്ട്ടി ജയിച്ചു,
പ്രത്യയശാസ്ത്രം ജയിച്ചു,
വിപ്ലവവും ജയിച്ചു.
നേതാവ് പോകുമ്പോള് ചുമച്ചാല്
അണികള് പോകുമ്പോള് വളിയിട്ടാല്
കാവിക്കും പച്ചക്കും മുകളില് ചെങ്കൊടി പാറുമ്പോള്,
പാര്ട്ടി തളരുന്നു.
പ്രത്യയശാസ്ത്രം ചിതലരിക്കുന്നു.
വിപ്ലവം മണ്ണാങ്കട്ടയാകുന്നു.
വീട്ടുപടിയില് ഇന്നൊരു ബോര്ഡ് തൂക്കണം.
"പാര്ട്ടിക്കാരനുണ്ട്, സൂക്ഷിക്കുക."
No comments:
Post a Comment